't Behin Leedn Klaps Teetn e Streekn Compjoeturs Puntn Berihtnbord Hastn 
Meedjah Interacsjuh 
 
Aksjuh Commithee Tur Bevording Va 't WestVlams v3.0 
WWWW: World Wide Westvlams Web 
 
---------------------------------------------------------------------------- 
 
Nieuw Berihtnbord 
J'et hiedruh olluhmaluh verzekers ol heziejun da de saait heluhhans in 't 
nieuwuh hestookn is. Muh peizdn wiedruh ol un enduh da die frame zejuvers 
nie tuh hoet marscheerdn. Da spil iejur is hemakt meh Cascading Style 
Sheets, meoilukuh wowurdn voe te zehhn da de saait druh nuh vrijud heliekuh 
zoe moetn uut ziejun. 
't Berihtn bor hoat owuk weruh vrijud hoewut, juh kut jundruh frustroatsjus 
weruh kwiet oj wilt. 

---------------------------------------------------------------------------- 
 
WESTVLAMS INTERACTIF 
t'es zwooverre, hu kut giedruh nu ollemoale meejelpn an de verspreidinghu va 
t westvlams, hoat moa e kjee kiekn up uus interacsjuhblat. Gedoan met ol die 
gastn die zeggn dat er olleene zuudwestvlams up de saait stoat, of olleene 
moeilieke uutdrukkinghen uut de keiemse weireldlitteratuure.Hin gezjeevr, 
moa reactsjuh!!!!! 
 
---------------------------------------------------------------------------- 
 
SPREUKHN e GEZEGDN 
'tt es eindhuluk weere zwooverre, nog e kjee e nieuwe sectsjuh. Nuuzze 
oederdomsdeekn puype (volgens de latste internetpoll wost n etwoars tusschn 
de 30 e de oenderd joar oet) eet e bitje va zien oneindige wieshit bie 
mekoars geschreevn. Helik of da je wit, t verstand komt me de joarn, k zoe 
zeggn, oordeelt zelve, en goat e kjee kiekn bie de Spreukn e gezegd'n. Ehk 
goan t hin twee kjeers zeggn ... 
 
Ajje trouwens nog e bitje pasjense eet, de hinprobleem e beloofd va die 
spreukn ier en doare te illustreern. Gelik of da ze up den tillevisjuh tekst 
zettn bie d beeldn uut uzze provinsjuh, zettn me wiedruh beeldn bie de 
tekstuh. 
 
Voe de reste meug djuh nog t volgnde verwachtn in t korte: 
 
  a.. en interaksjuh blat, voe da je giedreuh wook zoe kunn goan biedroagn 
an de wesvlamse hehemonieh, 
  b.. t wesvlamsch toetsnbord, kwestjuh da je ook zoe kunn tiepn lik of da 
je sprikt, 
  c.. ollerhande geluudjes voe de uutsproake an te leern an de buutnlanders 
uut de limburg en antwherpn etc..., 
  d.. en andruh lei-uut en e beetruh structheure, 
  e.. e blat voe Ivan Carlier, beetre gekend as Johhny Turbo, 
  f.. De sieffers voe de gastn te leern thelln, 
  g.. de fhootorhomang oovre de buuthenlansche invoasje, moetj'em zelve nog 
nie e voendn en, 
  h.. e voe d reste eindelik e kjee updeets van de sectjus oovre streekuh, 
teetn, woordnschat etc... 
 
---------------------------------------------------------------------------- 
 
t WESTVLAMS IN DE MHEDIAH 
 Yow yuplahoi, t'es ter eindelik vhan gekommn, de radhiejoow 2 uutzhendinghe 
van de zeeevnesten januarie voalt ier nu onlaain te beluustern; Ajje giedere 
ekjee de stemmn achtre Erpel, Stekker, Hinprobleem, Puype of de Hinindioan 
wilt woorn, volgt toene mowuh zwoo rap meuglik deezne lienk. Me goan der 
trouwns nog meer media faailkes goan tuschn zettn, vwoa der nuzze nieuwe 
rubrik mhediah van te moakn. goande vhan tilivisjeuhuutzendingn ehn 
radjoohuutzendingn toet artiekels oovre Erpel in t parochieblad toe. 
 
---------------------------------------------------------------------------- 
 
J et giedre ol lange deure, t moet ier e ki gedoan zien met dagemier van die 
zahen va Brabanders en Antwerpnoars dan ze us niekunn verstoan. We zehhn 
wiedre doar up dat juste e kwestje is vanie willn. We kunnn wiedre oak nie 
vodre of die onnoazeloars vade VTM verstoan. Mo oej oej oej, ot er ne keje 
etwien upt schermkomt die e West Vlams aksent et. Toen moetn dre 
directoendertitels bie komm! 
 
Do vorn zie wiedre voe ne totale an volledige geliekschaklingvan t West 
Vlams, geluk nen officiele toale. K wetnt wel dan zeziedre zoen zehhn daj 
doa vorn nen eign grammatica moet en, motoogt mie ne ki ejen twien die da 
zest mo kut beschrievn. Tisgeweune nie te beschrievn! Je zie ne West Vlamink 
in erte e niern of je ziedet nie! Kiekt mo ne keje no dedee die veel te 
lange up ne schole gezetn en die nie in uzze provinsje ligt! Ze kunnn dr 
godver nietnt me va! En ze moetn ziedre ook nie behinn me ejen of andre 
geliekschaklinge van de verschillige WestVlamsche utsprakn, we moetn wiedre 
doa ol niet van wetn; WestVlams is up ze schonst in ze verschil! 
 
Me zien wiedre deze peesj noh ossan an't verbeetrn,... Je kut hiedre ook 
zijun an de hits damme e reedluk success en. Me zettn wiedre ol de 
ingeschreevn in de meeling liste drup. Ot nu moeste zien daj je ingeschreevn 
et, mo dr noh niet up te vindn ziet, ginne paniek, 't hot wel kommn. 
 
---------------------------------------------------------------------------- 
 
E voe te tohn damme wiedre ol connectjes en op t oogste niveau, ej ier de 
link no de West-oek. t is eihluk e levnde schande dan dedee noh nie mejer 
West Vlams up pakkn, mo je moe die mann ook da hevn da t ol nie nis ut 
ziejet. Zest de klinste parohhies [k peisn a kookloare da nie te verre va 
tuusnt liht] stoan drup. T is de scho-enste streke va Vloandrn. 'T is ne 
triestihe affaire daj doh ollus kut leezn in't Vlams [aabeejin], in 't 
Iengels e in 't Fraans; moh noh nie in uzze schowune tale. Misschiejun kunnn 
we wiedre doavoarn massa's meels zendn noh die keerl. 
 
---------------------------------------------------------------------------- 
 
In andre bewoordinghe, komt ier regelmoatig e kjee weere kiekn, e mocht je 
sughhhestjuhs en, smiet ze druut en steurt z'uus up. 
 
---------------------------------------------------------------------------- 
 
Meelinglieste 
SCHRIEV JOEN IN UP DE MEELINGLIESTE... 
Ajje reeehgelmoatig wilt de niewugheedn te weetn kommn oovre de saait, wuk 
datter leeft i westvloandern, geweune e bitje westvlamsen zjeevre oorn, te 
weetn komn oenneeer dat Puype up pensioen goat, of woarom da Erpel e lelikn 
oap is, dur is moar 1 antwhoord, demeelinglieste va t westvlams. Geweune 
joen email adres ieronder invuln, en up de knop dernoaste duuwn. 
 
 K zien drook ah hehroht voe dad Iengels spil 
      ier te vertaaln in uzze tale. Hif toe-u, tschihl! 
      T is ier voe te zehhn dah bie us kut komm 
      deur ijer te klikkn e in te vulln!!! 
 
      . affaire uphesteld deureListBot, je wit hiedre up wien 
      daj moe reklamern ot were te trahe hoat. 
 
 
---------------------------------------------------------------------------- 
 
  Erpel En Stekker En Puype en ol 'dreestuh